Sjávarútvegsfundur Samtaka sjávarútvegssveitarfélaga verður haldinn á Hilton Reykjavík Nordica miðvikudaginn 2. október 2019 kl. 13:00-16:00.
Sjávarútvegsfundur er ætlaður sem almennur kynningar- og fræðslufundur fyrir starfsmenn, stjórnendur og bæjarfulltrúa aðildarsveitarfélaga um tiltekin málefni sem stjórnin ákveður.
Sjávarútvegsfundur er öllum opinn og tekur ekki ákvarðanir í málefnum SS en getur beint ályktunum til stjórnar samtakanna.
Halda áfram að lesaDagana 7.-8. maí sl. var haldinn fundur í Moskvu í fiskveiðinefnd Íslands og Rússlands um fiskveiðisamning fyrir árið 2019, svokallaðan „Smugusamning“ sem í þessu tilviki snýst um þorskveiðar Íslands í rússneska hluta Barentshafsins.
Hafrannsóknastofnun hefur opnað á vef sínum sérhæfða vefgátt vegna vöktunar á veiðiám.
Í vefgáttinni birtast upplýsingar um t.a.m. veiðar og veiðistaði, stofnstærð, fjölda áætlaðra eldislaxa skv. áhættumati, fjölda veiddra eldislaxa og hlutfall af áætlaðri heildarveiði.
Halda áfram að lesaFullt var út úr dyrum á málþing um áhættumat vegna mögulegrar erfðablöndunar milli eldislaxa og náttúrulegra laxastofna á Íslandi sem Kristján Þór Júlíusson, sjávarútvegs- og landbúnaðarráðherra, stóð fyrir í Sjávarútvegshúsinu í morgun. Beint streymi var frá málþinginu og má sjá upptöku af fundinum á þessari slóð.
Halda áfram að lesaHin árlega ráðstefna um strandbúnað verður á Grand hóteli dagana 21. og 22. mars nk. Í boði verða 10 málstofur með um 60 erindi. Þar af eru tvær málstofur með keyptum erindum þar sem styrktaraðilum Strandbúnaðar 2019 gefst kostur á að kynna starfsemi sína, búnað og þjónustu.
Halda áfram að lesaSkráning er nú hafin á Strandbúnað 2019, ráðstefnu um fiskeldi, skeldýra- og þörungarækt. Ráðstefnan verður haldin á Grand Hótel Reykjavík, 21.-22. mars. Ef um er að ræða hópskráningu, 5 eða fleiri er hægt að fylla út exelskjal og senda á Þórunn Dögg Harðardóttir (thorunn@athygliradstefnur.is)
Halda áfram að lesaHlutverk umhverfissjóðs sjókvíaeldis er að greiða kostnað við rannsóknir vegna burðarþolsmat, vöktunar og annarra verkefna er stjórn sjóðsins ákveður, að því er segir í reglugerð sem gefin hefur verið út um sjóðinn.
Einnig veitir sjóðurinn styrki samkvæmt ákvörðun stjórnar hverju sinni, sem ætlaðir eru stofnunum, fiskeldisfyrirtækjum og öðrum einstaklingum og lögaðilum. Þá bætir sjóðurinn rekstrarleyfishöfum tjón sem ekki verður rakið til ákveðinnar eldisstöðvar.
Fyrir sjóðnum fer fjögurra manna stjórn sem skipuð er til fjögurra ára í senn af sjávarútvegs- og landbúnaðarráðherra. Landssamband fiskeldisstöðva og Landssamband veiðifélaga skipa hvor sinn stjórnarmanninn. Hina tvo skipar ráðherra og er annar þeirra jafnframt formaður sjóðsins.
Sjóðurinn er fjármagnaður af gjaldi sem rekstrarleyfishafar greiða árlega af hverju tonni af eldisfiski sem heimilt er að framleiða og nemur 12 SDR. Gjaldið rennur óskert í sjóðinn. Sjóðurinn hefur farið vaxandi samfara auknu fiskeldi og námu úthlutanir 228 milljónum á árinu 2018 samanborið við 87 milljónir króna á árinu 2017.
Í frétt frá atvinnuvegaráðuneyti kemur fram, að með setningu reglugerðarinnar styrkist stjórnsýsla sjóðsins og gagnsæi ákvarðana við úthlutanir úr honum muni aukast. Umhverfissjóður sjókvíaeldis starfar samkvæmt lögum nr. 71/2008 um fiskeldi. og er markmið hans að lágmarka umhverfisáhrif sjókvíaeldis.
Umhverfis- og auðlindaráðherra hefur veitt Arctic Sea Farm hf. og Fjarðalaxi hf. undanþágur með skilyrðum vegna sjókvíaeldis á laxi í Patreksfirði og Tálknafirði. Tímabundið starfsleyfi heimilar Arctic Sea Farm framleiðslu á 600 tonnum á ári og Fjarðalaxi 3.400 tonnum á ári. Starfsleyfin falla úr gildi í síðasta lagi þann 5. september 2019.
Úrskurðarnefnd umhverfis- og auðlindamála felldi, sem kunnugt er, starfsleyfi þessara fyrirtækja úr gildi í október sl. Umræddar undanþágur voru veittar á grundvelli laga nr. 7/1998 um hollustuhætti og mengunarvarnir og reglurgerðar nr. 550/2018 um losun frá atvinnurekstri og mengunarvarnaeftirlit.
Kemur fram í frétt ráðuneytisins um málið, að tímabundnu starfsleyfin heimili umfangsminni starfsemi en upphafleg leyfi grðu og fyrirtækin óskuðu eftir.
Undanþága er veitt með þeim skilyrðum að fyrirtækin vinni með virkum hætti að því að bæta úr annmörkum á umhverfismati framkvæmda. Einnig er gert ráð fyrir að starfseminni sé haldið í lágmarki til að lágmarka umhverfisáhrif og mengun af hennar völdum á undanþágutímabilinu.
Við afgreiðslu málsins var aflað umsagna Skipulagsstofnunar, Umhverfisstofnunar og Matvælastofnunar, sem mæltu með því að fyrirtækjunum yrði veitt tímabundin undanþága frá starfsleyfi.
Samtök sjávarútvegssveitarfélaga fagna því að samstaða náðist í gær á Alþingi um lagasetningu til að létta tímabundið á óvissu um fiskeldisstarfsemi á landinu öllu sunnanverðum Vestfjörðum, en lýsa jafnframt yfir þungum áhyggjum af þeirri stöðu sem upp er komin í kjölfar niðurstöðu úrskurðarnefndar umhverfis- og auðlindamála. Halda áfram að lesa
Fundirnir eru öllum opnir.
