Boðað er til aðalfundar Samtaka sjávarútsvegssveitarfélaga miðvikudaginn 7. október í sal á 2. hæð Hilton Reykjavík kl. 13:00-14:30.

Aðalfund skal halda í september- eða októbermánuði annað hvert ár og skal haldið á sléttum ártölum. Kjörgengir á aðalfund SS og í stjórn samtakanna eru kjörnir fulltrúar í sveitarstjórnum aðildarsveitarfélaga og starfsmenn þeirra Öll aðildarsveitarfélög hafa seturétt á aðalfundi og velja þau fulltrúa með atkvæðisrétt á aðalfund. Hvert sveitarfélag hefur eitt atkvæði við atkvæðagreiðslur en allir þingfulltrúar hafa málfrelsi og tillögurétt.

Fundargögn verður að finna hér neðst á síðunni. Boðið verður upp á hádegisverð fyrir fund milli 12:30-13:00.

Smelltu hér til að skrá þig á fundinn.

Dagskrá

1. Skýrsla stjórnar,
2. Ársreikningur samtakanna,
3. starfs- og fjárhagsáætlun samtakanna ásamt ákvörðun um árgjöld og þóknun stjórnar,
4. lagabreytingar (stjórn mun ekki leggja til lagabreytingar),
5. kosning formanns stjórnar, annarra stjórnarmenn (fjórir stjórnarmenn) og varastjórnar (þrír varamenn) til tveggja ára
6. kosning tveggja skoðunarmanna og tveggja til vara
7. mál sem stjórn samtakanna, einstakir fulltrúar eða sveitarstjórnir óska að tekin verði fyrir.
8. Ávörp gesta

Þau sem hafa áhuga á að sitja í stjórn samtakanna eru hvött til að senda póst á starfsmann samtakanna, Bryndísi Gunnlaugsdóttur, á netfangið bryndis@samband.is

Í dag gaf Íslenski sjávarklasinn út skýrsluna Verstöðin Ísland: hagræðing og landfræðileg samþjöppun í íslenskum sjávarútvegi 1993-2003 en Samtök sjávarútvegssveitarfélaga styrktu útgáfu skýrslunnar fyrr á árinu.

Margt fróðlegt kemur fram í skýrslunni sem mun nýtast samtökunum í sinni hagsmunabaráttu á næstu árum.

Við hvetjum aðildarsveitarfélög til að kynna sér skýrsluna en hana má nálgast hér.

Atvinnuvega- og nýsköpunarráðuneytið hefur mælt fyrir um birtingu á álögðum veiðigjöldum sundurliðuð eftir sjávarútvegsfyrirtækjum vegna 2013/2014.

Sundurliðuð veiðigjöld 2012/2013 og 2013/2014 eftir greiðendum

Undir  flipunum í skjalinu eru sundurliðuð álögð almenn og sérstök veiðigjöld ásamt lækkun á sérstöku veiðigjaldi  fyrir bæði fiskveiðiárin.

Skjalið er birt í almennu upplýsingaskyni – ef frávik reynast vera í þessum upplýsingum frá álagningu á einstök fyrirtæki þá gildir álagningin.

Athugið sérstaklega: Upplýsingarnar um álagningu 2012/2013 og 2013/2014 eru ekki sambærilegar, því að álagningu er ekki lokið á yfirstandandi fiskveiðiári. Á fiskveiðiárinu 2013/2014 er eftir að leggja á vegna afla í ókvótabundnum tegundum, þ.m.t. vegna makrílafla  frá  og með ágúst 2013 til loka júlí 2014.

Tekið af vef Fiskistofu

Á fundi stjórnar Samtaka sjávarútvegssveitarfélaga sem haldinn var 12. maí sl. var eftirfarandi bókun samþykkt samhljóða:

Stjórn sjávarútvegssveitarfélaga tekur undir áhyggjur sveitarstjórna og íbúa þeirra sjávarbyggða sem horfa fram á flutninga á atvinnutækifærum og brottflutning fólks frá Djúpavogi, Húsavík og Þingeyri. Ekkert sveitarfélag kemst í gegnum högg sem þetta án stuðnings frá hinu opinbera.

Samtök sjávarútvegssveitarfélaga gera þá skýru kröfu að fleiri leiða verði leitað en að gera sjávarútveginn ábyrgan fyrir byggðaþróun í landinu. Auknar varnir fyrir sjávarbyggðirnar og íbúa þeirra verður að byggja inn í lögin um stjórn fiskveiða, og færa sveitarstjórnum sjávarútvegssveitarfélaganna raunhæf tæki til að takast á við þær breytingar sem fylgja aukinni hagræðingarkröfu í sjávarútvegi og breytingu á löggjöf.

Samtökin óttast þær blikur sem nú eru á lofti vegna hagræðingaraðgerða Vísis, og minna á að sífelld samþjöppun í sjávarútvegi er afleiðing krafna um hagkvæmari rekstur og birtingarmynd þeirra aðstæðna sem greinin býr við. Því má ætla að þessar breytingar séu einungis hluti af þeim breytingum sem áfram má vænta.

Samtök sjávarútvegssveitarfélaga gera kröfu til þess að ríkisvaldið kannist við ábyrgð og aðstoði viðkomandi sjávarbyggðir í bráð, en leiti einnig raunhæfra leiða til að sjávarútvegssveitarfélögin geti betur tekist á við þær breytingar sem eru, og verða áfram í sjávarbyggðunum. Það er grundvallaratriði í byggðaþróun á Íslandi.

Samtökin lýsa sig reiðubúin að koma að stefnumótun og vinnu í þessum efnum.