Fiskeldi hefði veruleg áhrif til betri vegar á efnahag og íbúaþróun, samkvæmt niðurstöðum greiningar sem KPMG hefur unnið fyrir Fjórðungssamband Vestfirðinga á laxeldi í Ísafjarðardjúpi. Um 410 ný störf, þar af 150 afleidd og 900 nýir íbúar eru á meðal þess sem vænta má af 25 þús. tonna laxeldi. Halda áfram að lesa →

Íslenskur sjávarútvegur hefur náð þeim einstaka árangri að uppfylla markmið Parísarsamkomulagsins. Heiðrún Lind Marteinsdóttir, framkvæmdastjóri SFS, fjallaði um aðgerðir innan sjávarútvegarins til að draga úr losun gróðurhúsaloftegunda á umhverfissráðstefnu Gallup nú nýlega.

Í máli Heiðrúnar Lindar kom m.a. fram, að það væri fjárhagslega hagkvæmt að draga úr losun. Sjávarútvegurinn hafi gert sér grein fyrir því og tekist hafi að draga markvisst úr losun með fjárfestingu í betri skipum og nýrri tækni.

Á ráðstefnunni kynnti Gallup umhverfiskönnun 2017, umfangsmikla könnun á afstöðu Íslendinga til umhverfismála. Athygli vakti að sögn Heiðrúnar Lindar að samkvæmt könnuninni, virðist margir telja að lítill árangur hafi náðst á vettvangi sjávarútvegsins í að takmarka losun gróðurhúsalofttegunda.

„Góð saga sjávarútvegarins í þessum efnum er því augljóslega ekki á almennu vitorði. Íslenskur sjávarútvegur hefur, fyrir sitt leyti og ein atvinnugreina hér á landi, náð markmiðum Parísarsamkomulagsins. Sjávarútvegur hefur þannig dregið úr losun gróðurhúsalofttegunda um rúmlega 40% frá árinu 1990 og hyggst gera enn betur á komandi árum. Það er auðsýnilegt verk að vinna, að koma þessum góðu fréttum betur á framfæri,“ sagði framkvæmdastjóri SFS á umhverfisráðstefnunni, sem fram fór í Hörpu 11. janúar sl.

• Nánar um umhverfisráðstefnuna
• Umhverfiskönnun Gallup
• Útblásur sjávarútvegarins fer minnkandi

Ljósm. Stefán fyrir visir.is

http://www.visir.is/g/2014140229281

Samtök sjávarútvegsfélaga og Samtök sveitarfélaga á Austurlandi standa fyrir málþingi um skipulag haf- og strandsvæða miðvikudaginn 17. maí nk. frá kl. 09:15-12:00, í Þórðarbúð Austurvegi, Reyðarfirði.

Dagskrá

Ávarp: Björt Ólafsdóttir, umhverfis- og auðlindaráðherra

Skipulag haf- og strandsvæða: Fyrir hvern og í hvaða tilgangi?

• Steinunn Fjóla Sigurðardóttir, umhverfis- og auðlindaráðuneyti
• Aðalsteinn Óskarsson, Fjórðungssamband Vestfirðinga
• Páll Björgvin Guðmundsson, Fjarðabyggð

Pallborðsumræður

• Björt Ólafsdóttir, umhverfis- og auðlindaráðherra
• Aðalsteinn Óskarsson, Fjórðungssamband Vestfirðinga
• Guðjón Bragason, Samband íslenskra sveitarfélaga
• Hafdís Hafliðadóttir, Skipulagsstofnun
• Páll Björgvin Guðmundsson, Fjarðabyggð
• Steinunn Fjóla Sigurðardóttir, umhverfis- og auðlindaráðuneyti

Samantekt

• Jón Björn Hákonarson, varaformaður stjórnar Sambands sveitarfélaga á Austurlandi

Fundarstjóri: Gauti Jóhannesson, formaður Samtaka sjávarútvegssveitarfélaga

Í lok málþingsins verður boðið upp á sameiginlegan hádegisverð. Nauðsynlegt er að skrá sig
á málþingið og í hádegisverð með því að senda tölvupóst á ssa@ssa.is fyrir 15. maí nk.

Á fundi stjórnar Samtaka sjávarútvegssveitarfélaga sem haldinn var 3. febrúar sl. var fjallað um sjómannaverkfallið sem nú stendur yfir. Eftirfarandi bókun var samþykkt samhljóða:

Stjórn Samtaka sjávarútvegssveitarfélaga lýsir yfir miklum áhyggjum af þeirri stöðu sem komin er upp í sveitarfélögum allt í kringum landið í tengslum við verkfall sjómanna. Verkfallið hefur nú staðið í u.þ.b tvo mánuði og er farið að hafa mikil áhrif sem ekki einungis ná til samningsaðila, heldur einnig stöðu landverkafólks og þeirra sem vinna óbein störf í sjávarútvegi og eru ekki aðilar að kjarasamningi sjómanna og útgerðarmanna. Í jafn mikilvægri atvinnugrein og sjávarútvegi, er ábyrgð aðila mikil. Ljóst er að staðan er þegar orðin alvarleg í mörgum sjávarútvegssveitarfélögum og stefnir í óefni að óbreyttu.

Stjórn Samtaka sjávarútvegssveitarfélaga hvetur samningsaðila og ríkisstjórn Íslands til að leita allra leiða til að liðka fyrir lausn málsins, þannig að koma megi í veg fyrir frekara tekjutap þjóðarbúsins í heild sinni.

Atvinnuvega- og nýsköpunarráðuneytið sendi í síðustu viku frá sér skýrslu þar sem lagt er mat á þjóðhagslegan kostnað af verkfalli sjómanna. Skýrslan er unnin að tilstuðlan sjávarútvegs- og landbúnaðarráðherra, sem skipaði nefnd fulltrúa úr fjórum ráðuneytum auk fulltrúa frá Sambandi íslenskra sveitarfélaga og sérfræðingum frá Íslenska sjávarklasanum.

Svo vitað sé er skýrsla þessi fyrsta tilraunin sem gerð er til að ná utan um þau efnahagslegu áhrif sem víðtæk vinnustöðvun meðal sjómanna, og þar af leiðandi mjög víðtæk framleiðslustöðvun í íslenskum sjávarútvegi, hefur á íslenska hagkerfið.

Í samandregnum niðurstöðum skýrslunnar kemur m.a. fram að áhrifa verkfallsins gætir víða og snertir fjárhagslega hagsmuni fjölmargra fyrirtækja, kjör ýmissa stétta og fjármál hins opinbera til skemmri og lengri tíma. Áhrifanna gætir með nokkuð misjöfnum hætti en gróflega áætlað tekjutap sveitarfélaga vegna lækkaðra útsvarsgreiðslna fiskverkafólks og sjómanna til 10. febrúar sl. er metið á rétt ríflega 1000 milljónir króna.

• Skýrsla um mat á þjóðhagslegum kostnaði verkfalls sjómanna

Aðalfundur Samtaka sjávarútvegssveitarfélaga verður haldinn á Hilton Reykjavík Nordica föstudaginn 23. september og hefst kl. 13:00.

• Skýrsla stjórnar
• Ársreikningar samtakanna
• Starfs- og fjárhagsáætlun samtakanna ásamt ákvörðun um árgjöld og þóknun stjórnar
• Kosning formanns stjórnar, annarra stjórnarmanna og varastjórnar til tveggja ára
• Kosning tveggja skoðunarmanna og tveggja til vara til tveggja ára
• Forkaupsréttur sveitarfélaga á aflaheimildum
  • Garðar Garðarsson, lögfræðingur hjá Landslög.
  • Arnór Snæbjörnsson, lögfræðingur hjá atvinnuvega- og nýsköpunarráðuneytinu.
• Umræður

Vinsamlega skráið ykkur til leiks hér að neðan.